إزاي تنكدي ع جوزك ( ربنا يخده )

الطرق الذهبية 0000000000
في كيفية العكننة 000000000
علي الرجالة المفترية

0000000

هناك طرق سهلة وبسيطة للعكننة علي الرجل منها الاتي :-

== صباح الخير ياحبيبي كلمة يمكن ان تقوليها بكل دلع الساعة الثانية ظهرا موعد استيقاظك وذلك علي الرغم من ان البيت غير نظيف (في حالة يرثي لها ) ولو اعترض فالرد بأن الولد او البنت ماناموش طول الليل وطبعا هما نامو من المغرب مع اتباعها بالسؤال التالي هو فيه ايه فطار النهاردة او انت اكلت ايه الصبح

== يجب ان تنتظري موعد عودته بكل شغف لتأخذيه بالاحضان مع ملاحظة لبس اسوأ ملابس لديك ولا مانع من ان تكون غير نظيفه ويا سلام لو كلها تراب او بقايا طعام ولو تأفف منك لازم يكون طبعا الرد جاهز (حرام عليك دا انا تعبانة من شغل البيت علشانك )
وطبعا اذا كان لا يحب رائحة بارفان معين فلا تنسي الاكثار منه قبل عودته مباشرة

==اذا كان لا يحب وجبة معينة فلا يجب طبخها كل يوم علشان تبيقي في السليم ولكن عمل طبخة واحدة منها ولكن بكمية كبيرة جدا تدوم عدة ايام
ولا تنسي ان تقولي له ان الاولاد هما اللي طلبوا الاكلة دي علشان بيحبوها

== بعد الاكل تقوليلة عندي ليك خبر جميل 0000؟ طبعا بعد السؤال والاستفسار تقوليلة بكل سعادة أن ماما هتيجي عندنا كام يوم ( قصدي حماته ) واترك لك مراقبة ملامح وجهه

== اذا كان منهمك في مشاهدة التليفزيون تجري وتغيرى المحطة وتقولي ان بنت خالتك 00؟ هاتظهر في التليفزيون دلوقتي
واذا لم تظهر تقولي اسفة الميعاد يظهر انه بكرة

= يوم اجازته الاسبوعية ومراعاة انه يوم الراحة يجب منك الاستيقاظ مبكرا في همة ونشاط لعمل تنظيف شامل لجميع غرف البيت في وقت واحد 00 يعني تقلبي البيت مع ملاحظة السرعة في رفع ملاءات السرير والبطي الشديد في اعادة توضيب البيت

مع مراعاة ان الاولاد بيلعبو بصوت عالي ولازم تزعقيلهم بصوت اعلي علشان يسكتوا و الهدف واضع علشان بابا نايم ولو حد منهم طلب منك حاجة قوليلو روح قول لبابا
يرجي مراعاة الهدوء بابا نايم

== اذا طلب شاي اعمليله قهوة واذا طلب حاجة ساقعة اعملي له ينسون مع الابتسامة اياها بان الينسون مفيد للصحة

== اذا اراد الخروج لوحدة فاستجمعي جميع طلبات منزلك لكي يشتريها لك سواء كنتي محتاجاها ام لا وذلك لكي يضيع الوقت في الشراء
وياسلام لو عرفتي انه خارج يسهر مع اصحابه تطلبي علي طول انه يودي الولد لطبيب الاسنان او انه لازم ياخد البنت يشتري لها جزمة جديدة

== اذا طلب منك غسيل قميص جديد غالي الثمن علشان هايلبسه بكرة تعاليلو بعد شوية وقوليله معلهش ياحبيبي القميص بقي لونه اخضر علي احمر
علشان الحاجات اللي حطتها معاه في الغسالة بتغير لونها طبعا انتي اللي تعمدتي تحطي الالوان التانية معاه

== اذا خرجتي معا لا تنسي بعض المشتريات وخاصة الحلي
وطبعا تكون غالية الثمن
واذا تذمر واعترض تقوليله ان اللي انتي اختارتية زي اللي جوز اختك اشتراه لأختك لها كهدية ---- طبعا مع اظهار اوجة المقارنة مما يثير زوجك فيقوم بشراء كل متطلباتك

== اذا كان يرغب في محادثتك في موضوع مهم فقوليله ثانية واحدة اكلم ماما علي التليفون قبل ما تنام ولا تنسي ان تلك المكالمة سوف تستغرق ساعة ونصف وبعدها ترجعيله وتقوليلة تصبح علي خير ياحبيبي

== لا تنسي قبل النوم ان تأكلي طبق مليان بصل وثوم ( ملحوظة هو لا يحب رائحة الثوم ولا البصل ) وياسلام لو يبقى العشاء عبارة عن وليمة كبيرة من الرنجة والبصل

ملحوظة شديدة الاهمية :--
==============
اذا قام جوزك بتطليقك برجاء عدم الاتصال بي نهائيا وعدم تحميلي اية مسئولية
ولكم خالص الحياة السعيدة

استازه يا جسمينا
بس خدى بالك هى حاجه واحده من دول وهتلاقوا درة فى البيت والى دى متعملوش التانيه تقوم بيه ولا ايه رأيك
مه البنات أساتزه فى انهم يعاندوا بعض وكل واحده هتحب تطفش التانيه وتخلصوا من بعض

ملحوظة شديدة الاهمية :--
==============
اذا قام جوزك بتطليقك برجاء عدم الاتصال بي نهائيا وعدم تحميلي اية مسئولية
ولكم خالص الحياة السعيدة[/quote]

على فكره انا لو مراتى فكرت مجرد تفكير فى الحوارات دى انا ممكن اخليها هى اللى تطلب الطلاق
ولو فكرت تخلع هخليها تخلع من الدنيا اولا
دا اذا عرفت تخلع كمان

ولكم خالص الرعب
امضاء/
عابر سبيل[/color][/size]

قال درة قال إنته قادر علي واحدة لما تجيب التانية

مش تفكير هندسي بالمرة خالص

ويابتيستا بجد ترعب ومتعملشي مراتك العمايل دي ليه

كل شئ جايز الأيام دي .......

اقولك ليه مراتى متقدرش تعمل العمايل دى ..........
أولا\ العقل بيقول ان الراجل هو اللى يمشى مراته زى ما هو عايز مش العكس .
ثانيا\ الست تعمل كدا لز جوزها مش محترمها ومش محسسها ان هى ست وان البيت دا مملكتها .
ثالثا\ انا عندى تساؤل مهم جدا
ايه العيب فى سى السيد؟؟
ياريت البنات كلها تجاوبنى

مش متفاهم بالمره
وعقليته تخنق
وانا لو كنت في الزمن بتاع سي السيد ده
ده انا كنت قتلته
لاني ما بحبش التسلط
وما فيش احسن من التفاهم

عصفورة عندها حق lol!

على فكره سى السيد دا من اعظم عصور الزوجيه ..
انا مش بقول كدا عشان انا راجل ا و لانه كان متسلط وكدا لالالالالالالالالالالالالا لا والله انا مش قصدى كدا خالص انا قصدى ان البيت كان ماشى زى الفل كان الاب ينزل من اول النهار يشتغل عشان يجيب الاكل والشرب ومتطلبات البيت .
الست كانت تقعد فى البيت تخليه جنه وتربى العيال احسن تربيه وتحل مشاكلهم بعيد عن الاب على قد ما تقدر عشان متتعبوش لما ييجى من الشغل وتاخد بالها من اكلهم وشربهم وكدا وتشوف البيت ناقصه ايه عشان العيال والاب يبقوا فى البيت كانهم فى الجنه وميبصوش للجيران ولا يقولوا ابن عمو فلان الى على اول الشارع جاب لولاده حاجه مش عندنا .
العيال كانوا بيسمعوا كلام الاب والام لانهم متربيين كويس وكل اللى كان عليهم مزاكرتهم
وطبعا مفيش حاجه اسمها ان الاب يشوف بنته نازله من البيت ببنطلون مالوش اى لازمه يعنى من الاخر كدا لو قلعته يبقى احسن ( سورى بس متهيالى مش انا بس اللى بقول كدا )
وكان العيال متربيين على اساس ان الاب دا زى حاكم الدوله ( البيت ) اللى يقوله يمشى على رقبة الكل مش لانه اللى بياكل البيت لا دا لانه هو عارف بيته يمشى ازاى .
دى حاجه .. الحاجه التانيه ان الست مكانتش بتقول لجوزها انت مش متجوزنى خدامه عازنى اطبخ وامسح اشترىشغاله ياخويا انا شغاله زيى زيك طول النهار ( طب بالزمه دا كلام ؟؟)
وترجع الستات تقول مساواه ومش عارف ايه..؟؟؟ امال ايه الفرق بين الراجل والست .؟؟
اه سورى اصل انا من العصر الحجرى الراجل هو اللى يتحبس لما ابنه يعمل حادثه بعربية ابوه اللى سرقها من وراه عشان امه مش فاضيه تربيه وابوه الحيوان مش عاوز يرضعه .....
سبحان الله وبيقولوا مساواه
اه افتكرت تانى االراجل هو اللى يجرى على الاقسام والمستشفيات لما بنته يحصل لها حاجه لان الهانم مرجعتش البيت لحد الساعه 4 الفجر عشان كان فى واحده راحت تزاكر معاها ونسيت تاخد الموبايل اللى بابى جابه
ويرجع لما الفاس تقع فى الراس برضه الراجل هو اللى يطلع غلطان
والست متفوقش الا لما يحصل حاجه لا قدر الله ( زى ما فى الافلام )

ولو جينا نبص على موضوع تانى اللى هو الست اللى بتشتغل عشان يبقى معاها فلوس تحط صوابعها فىعين جوزها لما ميرضاش يسهرها بره : تقول له ليه ما انا هصرف على نفسى يا بابا انت فاكر ايه ؟؟؟ههههههههههههههه
دا انا ست بشتغل ومع" فلوس وبهذا يا سيادة البنات والستات المحترمات يضيع معنى الزواج ... ومعنى ما تسمونه الحب .....
وعلى فكره الكلام دا يخلينا ادام موضوعين اهم من بعض وهما
1- سى السيد .
2- المرأه العامله ..

وشكرا للمتابعه

امضاء \
عابر سبيل

ياباش مهندس إحنا بنطالب المساواة في حاجة تانية مش في الشغل مش في اللي إنته قلته حتي

إحنا بنقول في المعامله صدقني هتكسب

يعني لو قلتلك إن أحيانا بحس وبجد في بنات أجدع مليون مرة عن الأولاد والرجاله كمان

عارف ليه علشان أهلها عرفوا يربوها رغم إنها بنت لكن بتشتغل ومتغربه وكمان بتدرس

وكمان مشاركة في رقصات الباليه للسيدات وكمان وعمرها متنسى الحاجة دي بالذات

عارف إيه هي الصلاة والقرآن لو لقيت ولد بيعمل دا كله ودا حسه إنه مستحيل الأيام دي أوي

لأن الجوله عادة قليلة جدا ونادرا لما نلاقي إحنا البنات سي السيد عارف إحنا مش بنكره أبدا

لكن بنكره عصرنا اللي خلى الجاله بتوع أهل بلدنا يبقوا فافي لما الأولاد بقوا كدا أكيد البنات

اللي كانوا مليانيين أنوثة هيتقلبوا هما كمان ويصبحوا زي الرجالة ويلبسوا البناطيل ومش مستحيل كمان

يلبسوا طربوش لما يشوفوا سي السيد اللي كانوا بيناموا في ظله معدشي موجود بذمتك هيعملوا إيه

أرجو إن النقطة اللي عايزة أوصلها لك وصلت بس بطريقة إجابية ومكنشي لغبط في الكلام

ربنا يستر وشكرا بجد

مش عارف اقولك ايه؟؟
بس فى جزء كبير من كلامك صح ... فعلا صعب جدا ان الواحد يلاقى واحد راجل من بره ومن جوه .يعنى شكله ومظهره رجل مش فافى وكمان اخلاقه وتفكيره
بس والله فى وكتير جدا بس المشكله ان الفافى نسبه كبيره جدا مغطيين على الرجاله
بس يا ترى انتى شايفه دا ليه ؟؟ يعنى ليه الرجاله بقوا فافى ؟؟
عشان اهلهم مربوهمش؟؟
ولا عشان هما عاوزين يبقوا كدا ؟؟
ولا عشان يعجبوا البنات ؟؟؟ زى ما فى ناس كتير بتعمل بيقلدوا فلان وفلان عشان يعجبوا البنات
والبنات طبعا مش هتسكت بتلبس ( او مش بتلبس مش فارقه كتير ) حاجات تبينها ان جسمها عشره على عشره ووشها ومشيتها وكدا ....
ولو تيجى تكلم حد سواء ولد او بنت يقول لك انت مش بتفهم ف الموضه .....يعنى انت هتخاف على اكتر من اهلى ......انت هتعرف مصلحتى اكتر منى انا مش عيل صغير ...
او بيريحوا دماغهم تماما ويقولوا ............لو مثلا واحد رايح ينصح ولد يقوله مينفعش تخسر شخصيتك عشان تكسب بنت ..اقل حاجه يقولها " وانت متضايق ليه ..عشان انت مش بتكلم بنات .؟؟؟ انت حقود انت انت انت "

ولو واحده بنت رايحه تكلم واحده بنت تقولها انتى ليه عامله كدا ؟؟ انتى ممكن تلبسى كويس والناس تقول عليكى شيك من غير ما الشباب يبحلقوا فى جسمك كأنه مش جسمك كأنه من حقهم انهم يبصوا قصدى يبحلقوا ....ومن غير ما يقولوا عليكى (****** او ****** )
ترد البنت تقولها ايه " تقولها انا واحده حلوه وزى القمر واللبس دا لايق على
انا بنت جــــــــــــــــــــــــذابـــــــــــــــــــــــــــــــــــــــــة ههههههههههه جذابه جذابه جابه بجذب عيون الشباب كلهم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاهمنى يا بتاع ( جذابه ) لما انا قلت الحدق يفهم ؟؟

أولا الرجاله بقوا فافي في عنيا علشان ملقيش شاب لسه معداش العشرين سنة حتي وبيدخن

لا وكأنه عنده سبعين سنة ولو سألته ليه بتدخن يقول علشان أهدي أعصابي

بذمتك بأه دا كلام sunny

أما البنات ففعلا بلاحظ بيقلدوا بعض بس في اللبس والمشيه يمكن

بس مش بيقلدوا بعض في قلة الأدب مثلا ليا صحاب بنات ليهم صحاب أولا

وأنا كذلك بس أنا أعرفهم جوا الجامعة لكن بره لأه هما بقي لما أقولهم كدا

أبقي موضه قديمة ليه علشان عندي مبدأ عارف إيه هو أه ماشي صحابي جوا

الجامعة أوك ليه لأن اللي جوا الجامعة كلهم شباب بنات وأولاد مش هيقولوا حاجة غبية

أو مسه للسمعة أو كدا يعني لكن بره يختلف مش كدا ولا إيه

اللى انتى قلتيه دا معناه ان انتى بتدافعى عن البنات وان انتى شايفه ان مفيش بنت فى الجامعه بلاش فى الجامعه .............فى الكليه عندنا بتكلم اى حد عاوز يكلمها او بتمشى مشيه ****** ؟؟؟

وانتى شايفه ان الولاد فافى عشان بيشربوا سجاير بس .؟؟؟؟ طب الحمد لله ....
معنى كدا ان البنات اللى بتشرب شيشه ايه بقى ؟؟ ومتقوليش مفيش بنات بتشرب شيشه .....عاوزه تتأكدى بنفسك ؟؟ فى كافيتيريا ادام الجامعه اسمها ساعة صفا فى اى وقت بالنهار ابقى روحى هناك وانتى تعرفى ..

وبعدين موضوع السجاير دا فعلا ساعات بتفرق مع" كتير جدا فعلا ساعات ابقى مخنوق ومتضايق او تعبان نفساويا ومش لاقى حد اتكلم معاه عشان كدا بشرب سجاير

مش سجاير بس
وكمان الهروب من الجيش ماشي

في حاجات كتير صدقني

مقصدشي هتعرف لما أنزل موضوع حول عن البنات الفافي والأولاد الفافي

اوكى
انا مستنى الموضوع دا جدا

تصدق صدق من قال إن كنت هتفتري ففي اللي ممكن يفتري عليك

أسفة مش هقدر أنزل الموضوع إلا إذا كنت في مصر أعمل إيه

ربنا قادر يحبب( اللي بيفتري عليا ) في عبادة واحد واحد وواحدة واحدة Smile

مش فاهم ولا كلمه
كل اللى فهمته ان انتى مش عاوزه تنزلى الموضوع دا انا مش فاهم السبب ..
يعنى ايه
ربنا قادر يحبب( اللي بيفتري عليا ) في عبادة واحد واحد وواحدة واحدة
هو طبعا ونعم بالله بس برضه دا ايه علاقته ان انتى فى مصر او بره مصر ؟؟؟

عامة مقدرشي أرد برده إلا في مصر علشان الأمان

أما في لبنان مفيش أمان Rolling Eyes